فوتو pinkelephant.ru
ءبىلىم مينيسترلىگىنىڭ ۇسىنىسىن تۇركيا پرەزيدەنتى رەجەپ تايىپ ەردوعان دا قولدادى.
«تۇرىك عاسىرى» تۋرالى كوزقاراسىمىزدى تۇركى مەملەكەتتەرى ۇيىمىنا دەيىن جەتكىزىپ, الداعى كەزەڭدى تۇرىكتەردىڭ ءداۋىرى ەتۋ ءۇشىن يىق تىرەستىرەتىن بولامىز» دەدى ول.
پروفەسسور احمەت تاساعىلدىڭ ايتۋىنشا «تۇركىستان» تەرمينىنىڭ تاريحي ماعىناسى «تۇرىكتەردىڭ وتانى» دەگەندى بىلدىرەدى.
«تۇركىستان ۇعىمىن وقۋلىقتارعا ەنگىزۋ وتە دۇرىس شەشىم بولدى. ويتكەنى, تۇركيا دا, تۇركىستان دا تۇرىكتەر باسىم تۇراتىن ايماق دەگەندى بىلدىرەدى», دەپ قوستى دوتسەنت رامين سادىق.
ساراپشى تۇركى الەمىنىڭ ورتاق تاريحى, گەوگرافياسى, ادەبيەتى, كارتاسى مەن ءالىپبيىن قۇرۋعا باعىتتالعان بەلسەندى قادامدار كەزەڭىندە ۇلتتىق ءبىلىم مينيسترلىگىنىڭ «تۇركىستان» تەرمينىن بالالارعا ارنالعان وقۋلىقتارعا ەنگىزۋ تۋرالى شەشىمىن ەلەۋلى وزگەرىس دەپ اتادى.
ونىڭ پىكىرىنشە, بۇل - بۇكىل تۇركى الەمى ءۇشىن ماڭىزدى باستاما.
